Լոգասենյակն այն վայրն է, ուր առաջին հերթին պետք է լինի հարմարավետություն, իսկ դա ապահովելու համար հարկավոր է առանձնակի ուշադրություն դարձնել ոչ միայն սանտեխնիկայի, այլև լոգասենյակի կահույքի ճիշտ ընտրությանը։
Այս հոդվածում կպատմենք, թե ինչ չափանիշներով պետք է առաջնորդվել լոգասենյակի կահույքն ընտրելիս։
Ինչպես գիտենք, առաջին ու ամենակարևոր պայմանը որակն է, այսինքն՝ ինչ նյութերից է պատրաստված, արդյոք կարելի է այն օգտագործել լոգասենյակի համար և այլն։
Ի՞նչ նյութերից կարող է պատրաստվել կահույքը
ԴՍՊ և ՄԴՖ
Այս նյութերն ամենահաճախ կիրառվողներից են․ պատճառը ոչ միայն մատչելիությունն է, այլև տեսականու և գունային երանգների բազմազանությունը։ Գերազանց օդափոխություն ապահովելու դեպքում սա կլինի կատարյալ ընտրություն լոգասենյակի համար։
Բնական փայտ
Անվիճելի է այն փաստը, որ փայտե կահույքը ոչ միայն գեղեցիկ է, այլև էկոլոգիապես մաքուր ու որակյալ։ Չնայած այս ամենին՝ այն հարմար է ընդարձակ լոգասենյակներում և միայն լավ աշխատող օդափոխության դեպքում։
Պլաստիկ
Այս նյութից կարելի է ստանալ ցանկացած ձևի կահույք։ Այն «չի վախենում» խոնավությունից և հարմար է լոգասենյակներին, իսկ գունային բազմազանությունը ընտրության հնարավորություն է տալիս յուրաքանչյուր գնորդի։ Սակայն մի մոռացեք, որ անորակ պլաստմասսան շուտ է ենթարկվում քերծվածքների, շերտատվում ու ճաքճքում։
Ապակի
Լոգասենյակի համար նախատեսված ապակին պետք է ունենա բարձր ամրություն։ Թափանցիկ մակերեսները տեսողական առումով ընդարձակում են փոքր լոգասենյակը, որը մեծ առավելություն է, սակայն կա նաև կոտրվելու հավանականություն։
Ծածկույթների տեսակները
Ինքնակպչուն թաղանթ – սա շատ արագ կորցնում է գեղեցիկ տեսքը՝ չնայած գունային լայն ընտրանին գրավում է գնորդներին։
Ակրիլային շերտ – բարակ ակրիլային շերտով պատված կահույքը համապատասխանում է լոգասենյակի ջերմային պայմաններին։
Վինիլային ծածկույթ – նուրբ փայտե ծածկույթ բնական փայտի երանգներով, որի շնորհիվ հնարավոր է լինում ստանալ փայտի նմանությամբ կահույք։
Էմալե և լաքապատ ծածկույթ – հաղորդում է յուրահատուկ փայլ, դիմակայում է ջերմային տատանումներին և մեխանիկական ազդեցություններին։
Օգտակար խորհուրդներ կահույք ընտրելիս
Լոգասենյակի համար նախատեսված կահույքը պետք է առանձնանա բարձր խոնավադիմացկունությամբ, ջերմակայունությամբ և կենցաղային քիմիական նյութերի հանդեպ կայունությամբ։
Համապատասխանի սանհանգույցի չափերին։
Գույնով ու ոճով համադրվի սանտեխնիկային և սենյակի հարդարանքին։
Չի կարելի լոգասենյակը ծանրաբեռնել կահույքով անգամ, եթե այն ընդարձակ է։
Comments