top of page

Ինչպե՞ս ճիշտ կահույք ընտրել խոհանոցի համար


Խոհանոցը պետք է լինի տան ամենասիրելի անկյուններից մեկը ուստի այն պետք է կահավորել հաճելի և հարմար կահույքով։

Խոհանոցում հաճույքով տարատեսակ ուտեստներ պատրաստելու համար պետք է լինեն նաև հարմարավետ պայմաններ։

Մենք կօգնենք ձեզ հասկանալ, թե ինչպիսի կահույք է հարկավոր ունենալ խոհանոցում։


Կահույքը պետք է լինի դիմացկուն

Խոհանոցը տան ամենախոնավ ու տաք հատվածն է։ Այդ իսկ պատճառով կահույք ընտրելիս նախապատվությունը պետք է տալ շատ ամուր նյութերին։ Խոնավությանը շատ լավ դիմակայում է ՄԴՖ-ից ու ՊՎՔ-ից պատրաստված կահույքը։ Առավելություններից է այն, որ երկար ժամանակ պահպանում է գույնն ու չի գունաթափվում։

Պարզ ու հարմարավետ

Խոհանոցը պահանջում է ամենօրյա խնամք ու մաքրություն, որն ինչ-որ չափով թեթևացնելու համար պետք է ճիշտ ընտրություն կատարել։ Օրինակ ՄԴֆ-ից պատրաստված ՊՎՔ ծածկույթով կահույքը թեթև խնամք է պահանջում։ Իսկ յուղի, կեղտի հետքերն անմիջապես մաքրելու դեպքում լաքաներ չեն մնում։ Փայտից պատրաստված կահույքը լաքապատվում է հատուկ նյութերով կեղտից պաշտպանվելու համար։

Որակյալ կահույք

Բռնակները կահույքի ամենափոքր մասն են կազմում, բայց դրանցով է պայմանավորված կահույքի դիմացկունությունը։ Որքան բռնակները որակյալ են, այնքան կահույքը երկար կծառայի։

Գունային ճիշտ ընտրություն

Խոհանոցի կահույքն ունի գունային լայն ընտրություն և վաղուց չի սահմանափակվում փայտի երանգներով։ Եթե նախընտրում եք վառ գույնի խոհանոց, ապա պետք է փորձեք համապատասխանեցնել այն բնակարանի ինտերիերի ոճին։ Նախապատվությունը տվեք ավելի մեղմ երանգներին կամ փայլուն մակերեսներին։

Խոհանոցի ընդարձակում կահույքի միջոցով

Վառ գույնի խոհանոցը կատարյալ է այն դեպքում, երբ գործ ունենք ոչ շատ մեծ տարածության հետ։ Այդ էֆեկտին հասնելու համար պետք է կահույքի միջատախտակները ճիշտ ընտրել։ Ուղղահայաց միջատախտակով կամ գծերով կահույքը բարձրացնում է առաստաղը, իսկ հորիզոնականը լայնացնում  պատերը։


144 views0 comments

Comments


bottom of page